Pi ( π ) ရဲ့ တန်ဖိုးကို တွက်ချက်ဖို့ အကောင်းဆုံးနည်းလမ်းဟာ စက်ဝိုင်းတစ်ခုရဲ့ တိကျသေချာသော စက်ဝန်းပိုင်းအလျားကို ထိုစက်ဝိုင်းရဲ့ အချင်းမျဉ်းအလျားဖြင့် စားခြင်းပဲ ဖြစ်ပါတယ်။ အခုလို စားလဒ်ဟာ ကိန်းပြည့်တစ်လုံး ဒါမှမဟုတ် ဒဿမ တစ်နေရာရာမှာရပ်သွားမယ့် ကိန်းတစ်လုံး ဖြစ်ခဲ့မယ်ဆိုရင် အရမ်းကောင်းမှာပါ။ ဒါပေမယ့်လည်း Pi ( π ) ရဲ့တန်ဖိုးဟာ ဒဿမတွေ အဆုံးမရှိတဲ့ရလဒ်ကိုပဲ ရမှာဖြစ်ပါတယ်။

ဒါကြောင့် Pi ( π ) ဟာ ထူးခြားတဲ့ ကိန်းတစ်ခုအနေနဲ့ သင်္ချာဘာသာရပ်မှာ ရှိနေတာပဲ ဖြစ်ပါတယ်။ Pi ( π ) ဟာ အဆုံးမရှိတဲ့ ဒဿမကိန်းဖြစ်တာကြောင့် တိကျမှန်ကန်တဲ့ အပိုင်းကိန်းအဖြစ် ပြောင်းလဲလို့မရပါဘူး။ လူအချို့ကတော့ Pi ( π ) ရဲ့ တန်ဖိုးကို 22 ⁄ 7 အဖြစ် အနီးစပ်ဆုံး သတ်မှတ်ကြပါတယ်။ 22 ⁄ 7 အပိုင်းကိန်းဟာလည်း အမှန်တကယ်မှာတော့ Pi ( π ) ရဲ့ တန်ဖိုးနဲ့ ဒဿမကိန်း ၂ နေရာမြောက်အထိသာ မှန်ကန်နိုင်မှာပဲဖြစ်ပါတယ်။

2011 ခုနှစ်မှာဆိုရင် သင်္ချာပညာရှင်တွေဟာ Pi ရဲ့ တန်ဖိုးကို တစ်ဆယ် ထရီလီယံ ဒဿမနေရာအထိကို တွက်ချက်ခဲ့ကြပါသေးတယ်။ Pi ( π ) တန်ဖိုးကို အသုံးပြုပြီး စက်ဝိုင်းတွေရဲ့ ဧရိယာတွေ၊ ထုထည်တွေနဲ့ စက်ဝန်းပိုင်းအလျား အားလုံးကို တွက်ချက်နိုင်ပါတယ်။ သိပ္ပံပညာရှင််တွေဟာ ကမ္ဘာနဲ့ ဝေးကွာလွန်းတဲ့ ဂြိုလ်တွေရဲ့ စက်ဝန်းပိုင်းအလျားတွေကို Pi ( π ) တန်ဖိုးအသုံးပြုပြီး တွက်ချက်ကြတာပဲ ဖြစ်ပါတယ်။