သဘာဝအတိုင်းဖြစ်ပေါ်လာနိုင်တဲ့ အဖြစ်အပျက် အများစုကို သင်္ချာပညာနဲ့ ကြိုတင်တွက်ချက်ပြီး ဖြစ်ပေါ်လာမယ့် အခြေအနေနဲ့ အချိန်တို့ကို ခန့်မှန်းနိုင်ပါတယ် ခင်ဗျာ။ မီးတောင်ပေါက်ကွဲခြင်း စသော သဘာဝ အဖြစ်အပျက်အချို့ကိုတော့ ကြိုတင်ခန့်မှန်းလို့မရနိုင်ပါဘူး။ လကြတ်ခြင်း၊ နေကြတ်ခြင်း စသော သဘာဝဖြစ်စဉ်တွေကိုတော့ ဖြစ်ပေါ်လာနိုင်မယ့် နှစ် နဲ့ စက္ကန့်အတိအကျကိုပါ ကြိုတင်တွက်ချက်ပြီး သိနိုင်ပါတယ်။ ပင်လယ်ရေအောက် ငလျင်တွေကြောင့် ဖြစ်ပေါ်လာတဲ့ Tsunamis မုန်တိုင်း ရဲ့ လမ်းကြောင်းနဲ့ လှိုင်းလုံးအရွယ်အစားတို့ကိုပါ ခန့်မှန်းသိရှိနိုင်ဖို့ သင်္ချာဘာသာရပ်က အထောက်အကူပြုလှပါတယ်။ တိကျတဲ့ Tsunamis ခန့်မှန်းချက်တွေက ပြင်းထန်တဲ့ လှိုင်းအန္တရာယ်ဘေးကနေလွတ်ကင်းဖို့အတွက် ကမ်းရိုးတမ်းဒေသကလူတွေကို အကျိုးပြုပါတယ်။ အာကာသယာဉ်တွေရဲ့ ဝေးကွာလွန်းတဲ့ အာကာသခရီးစဉ်ကို ပိုမိုမြန်ဆန်စွာရောက်ရှိနိုင်ဖို့ အရှိန်မြှင့် သွားရောက်ရန် သင်္ချာဘာသာရပ်က အထောက်အကူပြုပါတယ်။ အာကာသခရီးဝေးတွေကို ထွက်ခွာတဲ့အခါ သွားရောက်လိုတဲ့ ဦးတည်ရာအတိုင်း အာကာသယာဉ်ကို တန်းမတ်စွာ စေလွှတ်တာမျိုးမလုပ်ပဲ အသေးစိတ် သင်္ချာအတွက်အချက်များ ပြုလုပ်ကာ ခရီးလမ်းတစ်လျှောက် အာကာသယာဉ်ရဲ့ နီးစပ်ရာ ဂြိုလ်တစ်ခုဆီသို့ ဦးစွာသွားစေပြီး ထိုဂြိုလ်ရဲ့ ဆွဲအားနဲ့ ခရီးကိုပိုမို လျင်မြန်သွားစေပါတယ်ခင်ဗျာ။