𝐄𝐧𝐜𝐫𝐲𝐩𝐭𝐢𝐨𝐧 𝐚𝐧𝐝 𝐃𝐞𝐜𝐫𝐲𝐩𝐭𝐢𝐨𝐧 အရေးကြီး အချက်အလက်တွေကို လျှို့ဝှက်ကုဒ်တွေအဖြစ် ပြောင်းလဲဖန်တီးခြင်းကို Encryption လို့ခေါ်ပြီး ပြောင်းလဲဖန်တီးလိုက်တဲ့ လျှို့ဝှက်ကုဒ်တွေကို မူလအရေးကြီးအချက်အလက်အဖြစ် ပြန်လည်ပြောင်းလဲရယူလိုက်ခြင်းကို Decryption လို့ ခေါ်ပါတယ်။ အရေးကြီးအချက်အလက်တွေကို လျှို့ဝှက်ကုဒ်တွေအဖြစ် ပြောင်းလဲ ဖန်တီးတဲ့အခါမှာ သုဒ္ဓကိန်းတွေကို အသုံးပြုခြင်းက အကောင်းဆုံးပါပဲ။ ကွန်ပျူတာတွေနဲ့ သတင်းအချက်အလက်တွေကို လျှို့ဝှက်စွာ သတင်းပေးပို့တဲ့အခါမှာ ကွန်ပျူတာတွေက သတင်းအချက်အလက်တွေကို အလွန်ကိန်းဂဏန်းကြီးမားတဲ့ သုဒ္ဓကိန်းတွေအဖြစ် လုံခြုံစွာပြောင်းလဲဖန်တီးပြီး ပေးပို့ပါတယ်။ ကိန်းဂဏန်းကြီးမားတဲ့ သုဒ္ဓကိန်းတွေကို ကွန်ပျူတာတွေမှာ အသုံးပြုခြင်း အကြောင်းကတော့ ကြီးမားတဲ့ သုဒ္ဓကိန်းနှစ်ခုရဲ့ မြှောက်လဒ်ကို လွယ်ကူစွာတွက်ချက် သတ်မှတ်နိုင်ပြီး ထိုရလာတဲ့ မြှောက်လဒ်ကို ကြည့်လိုက်ရင်တော့ မူလတွက်ချက်ထားတဲ့ သုဒ္ဓကိန်း နှစ်ခုကို သိနိုင်ဖို့ မဖြစ်နိုင်သလောက်ခက်ခဲလို့ပဲ ဖြစ်ပါတယ်။ ကုဒ်များဖြင့်လုပ်ဆောင်ခြင်းမှ ရရှိလာသော ကျွမ်းကျင်မှုတွေက သင်္ချာဘာသာရပ်ရဲ့ နယ်ပယ်အချို့မှာ အထောက်အကူပြုလှပါတယ်။ Algebra ( အက္ခရာသင်္ချာ ) ပုစ္ဆာတွေမှာဆိုရင် ကိန်းဂဏန်းတွေ၊ စာလုံးတွေနဲ့ သင်္ကေတတွေကို အပြန်အလှန်ပြောင်းလဲတွက်ချက်ရပါတယ်။ မသိကိန်းပေးထားတဲ့ သင်္ချာပုစ္ဆာတွေမှာဆိုရင် ထိုမသိကိန်းတွေကို အက္ခရာတွေအဖြစ်အစားထိုးတွက်ချက်တာက ပိုမိုလွယ်ကူစေပါတယ်။