Math Kangaroo Meeting 2024@ Brazil, Santos

၂၀၂၅ ခုနှစ်မှာ ကျင်းပပြုလုပ်မည့် Math Kangaroo စာမေးပွဲကြီးအတွက် နိုင်ငံပေါင်း ၁၀၈ နိုင်ငံမှ သင်္ချာပညာရှင်များ၊ ဒေါက်တာများနှင့် ပရော်ဖက်ဆာများစွာ စုပေါင်းပြီး အကောင်းဆုံးမေးခွန်းတွေကို အချောသတ်စီစစ်ထုတ်ယူကြသည့် Math Kangaroo Conference ကို ဘရာဇီးနိုင်ငံ Santos မြို့မှာ 23-27 October 2024 အထိ ၃၂ ကြိမ်မြောက်အောင်မြင်ခမ်းနားစွာ ကျင်းပပြုလုပ်ခဲ့ပြီးဖြစ်ပါသည်။

အဆိုပါ Math Kangaroo Conference ကြီးကို နှစ်စဉ်နိုင်ငံတစ်နိုင်ငံရဲ့ ကိုယ်စားပြုအဖွဲ့အစည်း တစ်ခုသာ တက်ရောက်ခွင့်ရတာဖြစ်ပြီး ယခုနှစ်အစည်းအဝေးတွင် နိုင်ငံပေါင်း၁၀၈ နိုင်ငံမှ ကိုယ်စားလှယ်များအပြင် T & H Maths Centre ရဲ့ CEO Daw Hnin Set Aye နှင့်အတူ Gravity Centre ရဲ့ Co- Founder Daw Hsu Sint Sint Yee မှ ပါဝင်တက်ရောက်နိုင်ခဲ့ပါသည်။

ယခုကဲ့သို့သော အဖွဲ့ဝင်နိုင်ငံများစွာ ပါဝင်သည့် နိုင်ငံတကာအဖွဲ့အစည်းကြီးမှ ရရှိလာသော အသိပညာ၊ဗဟုသုတ၊အတွေ့အကြုံများစွာနှင့် ပြန်လည်အသုံးချနိုင်မည့် Plan ပေါင်းများစွာကို မြန်မာ့ကျောင်းသား/သူများအတွက် အကောင်းဆုံး ပြန်လည်အသုံးပြုပေးသွားမည်ဖြစ်ကြောင်းကိုလည်း ဂုဏ်ယူစွာဖြင့် အသိပေးလိုက်ပါသည်။